‘नेपाललाई माया गरौं ’गीतको भिडियो सार्वजनिक

राजधानीको रातोपुलस्थित रकहाउस क्याफे एन्ड पार्टी प्यालेसमा ‘नेपाललाई माया गरौं…’ सार्वजनिक भएको छ । गीतकार शोभा केसीको राष्ट्रिय गीत ‘नेपाललाई माया गरौं…’ सार्वजनिक भएको हो । शनिबार एक समारोहको आयोजनाबीच गीतको भिडियो सार्वजनिक गरिएको छ ।
आनन्द कार्की र विमला राईको स्वर रहेको गीतको भिडियोलाई मन्जिल श्रेष्ठले निर्देशन गरेका छन्। गीतको भिडियोमा विभिन्न देश विदेशमा बस्ने वरिष्ठ कलाकारदेखि समाजमा योगदान र्पुयाएका व्यक्तित्वहरुको अभिनय रहेको छ ।स्रमाट थापाको सङ्गीत रहेको गीतमा श्याम रायमाझी र जयराम थापाको छायाँकन रहेको छ। गीतको भिडियोलाई विदेशका विभिन्न भाग र नेपालमा छायाँकन गरिएको छ ।
साहित्यकार खेमनाथ दाहाल, दामोदर न्यौपाने, लेखनाथ पोखरेललगायत सञ्चारकर्मीको बाक्लो उपस्थिति रहेको थियो ।