अभिनेता इरफानको फिल्म ‘अंग्रेजी मिडियम’को ट्रेलर सार्वजनिक
मुम्बई । ट्यूमरसँग संघर्षरत अभिनेता इरफान खानको फिल्म ‘अंग्रेजी मिडियम’को ट्रेलर सार्वजनिक भएको छ ।
२ मिनेट ५५ सेकेण्डको ट्रेलर राधिका मदानको स्कूलबाट सुरु भएर लण्डन यूनिभर्सिटीमा पुगेर सकिन्छ । ट्रेलरमा फिल्मका सबै पात्र अटाएका छन् । ट्रेलरबाट फिल्मको मूल कथा प्रस्ट्याउने प्रयास गरिएको छ । फिल्म २० मार्च २०२० मा प्रदर्शन मिति तोकिएको फिल्ममा इरफान खान, राधिका मदान र करीना कपुर खान, दीपक डोबरियाल, डिम्पल कपाडिया लगायतको मुख्य भुमिका रहेको छ ।
छोरीलाई लण्डनमा पढाउन एक पिताले गर्ने संघर्षको कथामा बनेको फिल्म होमी अदजानियाले निर्देशन गरेका हुन् ।
