२०२० को ताज नेपालकी शिलास्मा हमाललाई
मलेसियाको क्वालालम्पुरमा आयोजित प्रतियोगितामा मिसेस टुरिज्म एम्बेसडर वल्र्ड २०२० को ताज नेपालकी शिलास्मा हमाल मल्लले हात पारेकी छन् । उनले अन्य मुलुकका प्रतिस्पर्धीलाई उछिन्दै उक्त उपाधि हात पारेकी हुन् ।
विभिन्न चरणपछि फाइनलमा पुगेकी शिलास्माले सर्वोत्कृष्ट हुँदै वल्र्डतर्फको शीर्ष उपाधि र ताज जितेकी हुन् । नेपालबाट उक्त प्रतियोगिताका लागि मोडल तथा मिसेस टुरिज्म एम्बेसडर २०२० विजेता शिलास्माले प्रतिनिधित्व गरेकी थिइन् । विभिन्न देशका २१ जना महिला सहभागी भएको प्रतिस्पर्धामा युनिभर्सतर्फको ताज भने मलेसियाले जितेको छ ।
