फिल्म ‘कोपिला’ को ट्रेलर सार्वजनिक
काठमाडौं । निर्मला पन्तको हत्याको बिषयमा बनेको फिल्म ‘कोपिला’ को ट्रेलर सार्वजनिक भएको छ । बलात्कारपछि हत्या गरिएकी कन्चनपुरकी १३ वर्षीय बालिका निर्मला पन्तको वास्तविक कथामा निर्माण भएको फिल्म ‘कोपिला’ को ट्रेलर सार्वजनिक भएको हो । फिल्ममा निर्मलाको हत्याको घटनापछि भएको राजनीतिक चलखेल र निर्मलाको परिवारमा परेको मनोवैज्ञानिक अवस्था कथा बनाइएको छ ।
शिवम् अधिकारीको निर्देशन रहेको सार्वजनिक ट्रेलरमा निर्मलकी आमा दुर्गादेवी पन्तको भनाई पनि समेटिएको छ । छोरीको हत्या गर्ने दोषी प्रहरीले पक्राउ गर्न नसकेकोमा दुःख व्यक्त गर्दै आफ्नो छोरीमाथि भएको घृणित कार्य अरुमाथि हुनबाट रोक्न फिल्म ‘कोपिला’ले महत्वपुर्ण भूमिका खेल्ने आश व्यक्त गरेकी छन् । ‘कोपिला’ मा निर्मलको भूमिका सन्जिवनी खरेलले निर्वाह रहेकी हुन् ।
