जमैकाकी टोनीलाई मिस वल्र्डको उपाधि
मिस वल्र्ड २०१९ को उपाधि जमैकाले जितेको छ । जमैकाका लागि टोनी एन सिंले मिस वल्र्डको उपाधि जितेकी हुन् । शनिबार लन्डन एक्सेलमा सम्पन्न ६९ औं ‘मिस वल्र्ड प्रतियोगिता’ को ग्राण्ड फिनालेमा टोनीले १११ देशका सुन्दरीहरूलाई पछि पार्दै मिस वल्र्डमा आफ्नो स्थान सुनिश्चित गरेकी हुन् ।
दोस्रो स्थानमा फ्रान्सकी ओफेली मेजिनो भइन् भने भारतकी सुमन रावले तेस्रो स्थान हासिल गरिन् । मिस वल्र्ड २०१८ भनिसा पोन्सले उनलाई आफ्नो ताज पहिराएकी हुन् ।
नेपालकी मिस नेपाल अनुष्का श्रेष्ठले ‘मिस वल्र्ड प्रतियोगिता’ अन्तरगतको मल्टिमिडिया अवार्ड जितेकी थिइन् भने उनले ब्युटी विथ द पर्पोज विधा पनि जितेकी छन् ।
