फिल्मको ट्रेलर हेरेर दर्शकको मिश्रित प्रतिक्रिया
काठमाडौं – सौगात मल्ल स्टारर फिल्म ‘माछा माछा’ को ट्रेलर रिलिज भएको छ । यो फिल्मको ट्रेलर युट्युवमा ३ लाख ४ हजारले हेरेका छन् । आर्टसको प्रस्तुतिमा बनेको फिल्मको ट्रेलर हेरेर दर्शकले मिश्रित प्रतिक्रिया दिएका छन् ।
कतिले फिल्मको ट्रेलर मन परेको बताएका छन् भने कतिले निर्मातालाई पैसा धेरै भएर यस्तो फिल्म बनाएको भन्दै हासोठटा गरिरहेका छन् । यो फिल्म मंसिर २० गतेबाट प्रदर्शनमा हुनेछन् । यो फिल्म सुनील गुरुङको लेखन तथा निर्देशन रहेको छ । चलचित्रको पात्रहरुमा सौगात मल्ल, नम्रता श्रेष्ठ, विजय बराल, अनोज पाण्डे, माओत्से गुरुङ, प्रविण खतिवडा, भोलाराज सापकोटा लगायतका कलाकारको अभिनय छ ।
रामबाबु गुरुङ र दयाहाङ राईले निर्माण गरेको यो फिल्मलाई निर्माण टिमले मंसिर २० मा आउने भनेर प्रचार गरिरहेको छ । तर, युट्युबमा भने फिल्म कार्तिक २९ गतेदेखि प्रदर्शन हुने भनेर मिति राखिएको छ ।
