प्रदेश दुईमा चाँडै प्राविधिक विश्वविद्यालय स्थापना हुने
जनकपुरधाम । प्रदेश दुईका मुख्यमन्त्री लालबाबु राउतले प्रदेश दुईमा चाँडै प्राविधिक विश्वविद्यालय स्थापना हुन लागेको बताएका छन् । नेपाल तराई इन्जिनियर्स एशोसिएशनले जनकपुरमा शनिबार आयोजना गरेको कार्यक्रममा मुख्यमन्त्री राउतले सो कुरा बताएका हुन् ।
उनले प्राविधिक विश्व विद्यालय स्थापनाको लागी गृहकार्य अन्तिम चरणमा रहेकोले यसै महिना विधेयक सदनमा प्रस्तुत हुने जानकारी दिए । केन्द्रको गिद्धे दृष्टिका कारण प्रदेश नं. २ को शैक्षिक विरासतमा ह्रास आएको उल्लेख गर्दै उनले पुरानो गरिमालाई पुनः स्थापित गर्न सबै पक्षलाई सहयोग गर्न आग्रह गरे ।
मुख्यमन्त्री राउतले प्रदेशलाई प्राविधिक शिक्षाको हव बनाउने प्रदेश सरकारको घोषणा अनुरुप प्राविधिक शिक्षा विधेयक सदनमा छलफलको क्रममा रहेको जानकारी दिँदै विधेयक पारित भए लगतै एक पालिका एक प्राविधिक विद्यालय स्थापनाको काम शुरु हुने समेत बताए ।
