त्रिविका नवनियुक्त उपकूलपति बास्कोटालाई काव्य स्कुलको वधाई
काठमाडौं । काव्य स्कुल नयाँबानेश्वरका संस्थापक सल्लाहकार एवम् त्रिवि शिक्षण अस्पताल महाराजगञ्जका वरिष्ठ नाक, कान, घाँटी विशेषज्ञ प्रा.डा.धर्मकान्त बास्कोटालाई त्रिभुवन विश्वविद्यालयको उपकूलपतिमा नियुक्त गरेकोमा काव्य स्कुलका संस्थापकहरुले वधाई ज्ञापन गरेका छन् ।
काव्य स्कुलका संस्थापक प्रिन्सिपल नवराज बास्कोटा, विद्यालयका संस्थापक निर्देशकहरु धर्मेन्द्र प्रकाश राजभण्डारी, सुनिलकुमार घर्ती, दिलिपथापा र प्रेमराज अर्यालले उपकूलपति बास्कोटलाई खादा लगाएर वधाई दिनुका साथै सफल कार्यकालको लागि शुभकामना दिए ।
काव्य टोलीसंगको भेटका क्रममा उपकूलपति बास्कोटाले त्रिविमा देखिएका कमी कमजोरीलाई क्रमशःसुधार गर्दै यथाशिघ्र त्रिवि सिनेट वैठक सञ्चाल नगर्न, त्रिविका आंगिक र सम्बन्धन प्राप्त क्याम्पसहरुबाट विभिन्न तह र संकायबाट उत्तीर्ण भएकाहरुको दीक्षान्त कार्यक्रम आयोजना गर्नुको साथै ति क्याम्पसहरुमा स्वतन्त्र विद्यार्थी युनियनको चुनाव गराउने तयारी गरिरहेको बताए ।
