काठमाडौं महानगरका आधारभूत तहका ५२ शिक्षकको पदस्थापन



काठमाडौं । आइतबार महानगरका बिभिन्न विद्यालयमा ५२ जना आधारभूत तहका शिक्षकहरुको पदस्थापन भएको छ । शिक्षा तथा मानव श्रोत बिकास केन्द्र, शिक्षा विकास तथा समन्वय इकाइबाट सिफारिस भइ आएका प्राथमिक शिक्षक तृतीय श्रेणीमा नियुक्त शिक्षकहरुलाई महानगरको शिक्षा समितिको निर्णयबमोजिम पदस्थापन गरिएको हो ।

यसरी पदस्थापन हुनुहुनेमा ३९ जना महिला र १३ जना पुरुष छन् । उनीहरुलाई आइतबारै महानगरका प्रमुख विद्यासुन्दर शाक्यको उपस्थितिमा शिक्षा अधिकारी निर्मला केसीले पद तथा गोपनीयताको शपथ गराइन् ।

महानगरमा बिषयगत ३ वटा ३० वटा आधारभूत र ६१ वटा माध्यमिक बिद्यालय छन् । यीमध्ये माध्यमिक तहमा ४२०, निम्न माध्यमिक तहमा ४८६ र आधारभूत तहमा ८८८ शिक्षक दरबन्दी रहेको छ ।

यीमध्ये गएको साउन २९ गते माध्यमिक तहका २० जना शिक्षकको र कार्तिक २४ गते १ जना पुरुषसहित २६ जना निम्न माध्यमिक तहका शिक्षकको र आज ५२ जना आधारभूत तहका शिक्षकको पदस्थापन गरिएको हो ।

यो पदस्थापन गएको १ बर्ष अघिको मागका आधारमा भएको हो । त्यसपछि पनि अवकार प्राप्त गर्ने, राजीनामा दिने शिक्षक भएकाले आधारभूत तहमा नै करीब २२ जना शिक्षक दरबन्दी खाली छ ।

शिक्षा समितिको बैठकले निम्न माध्यमिक तहका शिक्षकको पदस्थापनलाई अनुमोदन गरेको छ । त्यस्तै पशुपति मित्र माध्यमिक विद्यालय चावहिलमा काजमा रहेकी प्राथमिक तह द्वितीय श्रेणीकी शिक्षिका प्रमिला पाण्डे, परोपकार आदर्श माध्यमिक विद्यालय भीमसेनस्थानमा काजमा काम गरिरहेकी प्राथमिक तह तृतीय श्रेणीकी शीलु ढुङ्गाना र जनकल्याण माध्यमिक बिद्यालय बौद्धमा काजमा काम गरिरहेकी प्राथमिक तह द्वितीय श्रेणीकी शर्मिला राजभण्डारीलाई काजमै रहेको विद्यालयमा पदस्थापना गर्ने गरिएको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
कर्मकाण्डी शिक्षामा जातीय आरक्षण

जनकपुरधाम । धनुषाको जनकपुरधाम–८ स्थित श्री यज्ञवल्क्य संस्कृत मावि (ज्ञानकूप)ले एक शताब्दीभन्दा बढी

थाङपाल भ्याली र अमेरिकी स्कूलबीच भगिनी सम्बन्ध

सिन्धुपाल्चोक । थाङपाल भ्याली माध्यमिक विद्यालय पाँचपोखरी थाङपाल गाउँपालिका–४ र मोन्टपेलियर, भर्मन्ट, संयुक्त

विद्यार्थीलाई सीपसँग जोड्दै सामुदायिक विद्यालय

तनहुँ । तनहुँको आँबुखैरेनी गाउँपालिका–४ आमडाँडास्थित चण्डेश्वरी आधारभूत विद्यालयले विद्यार्थीलाई सीपसँग जोड्न थालेको

कुश्माका सामुदायिक विद्यालयमा ‘स्मार्ट स्कुल’ कार्यक्रम सुरु

पर्वत । सामुदायिक विद्यालयलाई प्रविधिमैत्री बनाउने उद्देश्यले पर्वतको कुश्मा नगरपालिकाले ‘स्मार्ट स्कुल’ कार्यक्रम