क्रान्ति लामाको अध्यक्षतामा ११ सदस्यीय गाउँपालिका स्तरीय विद्यालय व्यवस्थापन कमिटी गठन



काभ्रे । सामुदायिक विद्यालय व्यवस्थापन समिति महासंघ नेपालको काभ्रेको भुम्लु गाउँपालिका स्तरीय कमिटी गठन भएको छ । क्रान्ति लामाको अध्यक्षतामा ११ सदस्यीय गाउँपालिका स्तरीय कमिटी भएको हो ।

सामुदायिक विद्यालय व्यवस्थापन समिति महासंघ नेपालका प्रदेश तीनका सचिव संगम लामाको उपस्थितिमा उक्त कमिटी गठन गरिएको हो । गाउँपालिका भित्र रहेका सामुदायिक विद्यालयका व्यवस्थापन समिति सदस्यहरुको भेलाबाट कमिटी गठन भएको हो ।

भेलामा महासंघ प्रदेश नम्वर ३ का सचिव संगम लामाले सामुदायिक विद्यालय सुधार नभएसम्म नेपाले सरकारले लिएको अवधारणा सफल नहुने बताए ।

कार्यक्रममा गाउँपालिका उपाध्यक्ष कल्पना कुमारी श्रेष्ठले सामुदायिक विद्यालय सुधारका लागि शिक्षा शाखाको समन्वयमा कार्ययोजना बनाई सुधारका योजना समावेश गरि वृहत विद्यालय सुरक्षा योजनालाई सफल बनाउनु पालिकाको दायित्व भएको बताइन् ।

त्यसैगरी शिक्षा शाखाका प्रमुख नारायणराज उप्रेतीले गाउँपालिका भित्र रहेका विद्यालयको सुधार नभएसम्म सरकारले लिएको समृद्ध नेपाल सुखी नेपालीको अवधारण पुरा नहुने भएकोले सामुदायिक विद्यालय सुधारका लागि विभिन्न रचनात्मक कार्यगरी सबै लाग्नु पर्ने बताए ।

गाउँपालिका स्तरीय भेलाबाट अध्यक्ष क्रान्ति लामा चयन भएका छन् भने उपाध्यक्षमा शोभा राई, सचिवमा रमेश प्रसाद खरेल, कोषाध्यक्षमा केदार भण्डारी सदस्यहरुमा पूर्ण बहादुर तामाङ, दिल बहादुर पहरी, रामकुमार लामा , निर्लराज शर्मा, कुमार सिंह लामा, चन्द्रबहादुर लामा र विष्णु बहादुर लामा छन् ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
शिक्षालाई अनुसन्धान र नवप्रवर्तनसँग जोड्नुपर्छः प्रधानमन्त्री

काठमाडौं । प्रधानमन्त्री शेरबहादुर देउवाले समयको परिवर्तनसँगै विश्वविद्यालय शिक्षालाई अनुसन्धान र नवप्रवर्तनसँग जोड्नुपर्ने

कालिका विद्यापीठः समाजसेवी सापकोटाको सपना

नारायण अधिकारी, चितवन । करिब दुई साताअघि राष्ट्रिय समाचार समितिका कार्यकारी अध्यक्ष एवं

डेढ घण्टा हिँडेर विद्यालय जान विद्यार्थी बाध्य

रामपुर (पाल्पा) । निस्दी गाउँपालिका–४ भिरपानीका राजकुमार परियार गौरीशंकर मावि मित्यालमा कक्षा १०

बायोमेडिकल ईन्जिनियरिङ्ग के हाे ? नेपालमा यसकाे अवस्था र आवश्यकता ।

ईन्जिनियरिङ्गका विभिन्न प्रविधिहरु प्रयोग गरेर मेडिकल समस्याहरु पहिचान तथा समाधान गर्ने विषय नै