कक्षा ११ को परीक्षाफल मंगलबार प्रकाशित हुने
काठमाडौँ । कक्षा ११ को परीक्षाफल मंगलबार सार्वजनिक गर्ने भएको छ । राष्ट्रिय परीक्षा बोर्डले गत बैशाख २९ गते देखि जेठ ८ गतेसम्म लिएको परीक्षाको नतिजा भोलि प्रकाशित गर्ने गरी तयारी पूरा गरेको हो ।
परीक्षामा ५ लाख ८ हजार परीक्षार्थी सहभागी थिए । नतिजा प्रकाशन तयारीका लागि सोमबार बोर्डको बैठक बसेको थियो । बैठकमा नतिजा प्रकाशन तयारीबारे छलफल भएको हो ।
बैठकमा बसेका बोर्डका एक सदस्यका अनुसार नतिजा प्रकाशन गर्न मंगलबार बिहान बैठक डाकिएको छ ।
