देउवाजी, पौडेलजी, सिटौलाजी, खाँणजी आदि-आदि जीहरू मात्रै हो काङ्ग्रेस भनेको ?



केशवप्रसाद भट्टराई ।
(त्यस्तो गठबन्धन बनाएर चुनाव लड्न जानुभयो भने के नेपालका सवै निर्वाचन क्षेत्रका काङ्ग्रेसी मतदाताले चितवन र गोरखाका मतदाताले जस्तै आत्मसमर्पण गर्लान् , खाँणजी ?)

१. ‘गठबन्धनबिना एमालेलाई हराउन सकिँदैन, कांग्रेस पनि जोगिँदैन : बालकृष्ण खाण’
काङ्ग्रेसका गन्तीमा आउने नेता, प्रधानमन्त्री र पार्टी सभापतिका दाहिने हात हालका गृहमन्त्रीले यो भनेको हो भने उनको यो लाचार र कायर आत्मस्वीकृति काङ्ग्रेसको वर्तमान नेतृत्वको सामूहिक परिचय हो ।
खाँणजीको डर हो–आगामी आम चुनावमा प्रचण्ड र माधव नेपालहरूको भर र बल विना एमाले हराउन नसकिने र गृहमन्त्री वा त्यस्तै अन्य किसिमको हैसियत, सुविधा र विशेषाधिकार भोग्न नपाइने !

अहिले गृहमन्त्री र प्रधानमन्त्री हुन माओवादी समाजवादीको काँध चाहियो,
त्यति मात्रै होइन, गठबन्धन बिना काङ्ग्रेस नै जोगिदैन भन्न कसरी सके देउवाजीका गृहमन्त्रीले ?
गठबन्धन बिना काङ्ग्रेस नै नरहने र पछि चुनाव जित्न पनि उनीहरू बेगर नसकिने भएपछि त्यतै जाँदा त झन् सजिलो पर्ला नी त गृहमन्त्रीज्यू !
२. त्यस्तो गठबन्धन बनाएर चुनाव लड्न जानुभयो भने के नेपालका सवै निर्वाचन क्षेत्रका काङ्ग्रेसी मतदाताले चितवन र गोरखाका मतदाताले जस्तै आत्मसमर्पण गर्लान् , खाँणजी ?

३ . सरकारमा बस्ने काङ्ग्रेसीको चाला माथि बताइयो अव काङ्ग्रेसको भविष्य बोक्छु भन्ने अर्काथरी पार्टी नेता, उनीहरूका पछुवा वुद्दिजिवी र कार्यकर्ताहरू कोही उमेरको विज्ञापन गरिरहेका छन्,
कोही वंश,कोही जात र क्षेत्रको ।
अनि मनभित्र गुम्सिएर बसेको लोभ, पाप र निजी महत्वाकांक्षाको !
जिन्दगी भर अवशर पाएका तर कुनै काम गरेर देखाउन नसकेकाले अवशर पाइएन भनेर आफ्नो कायर र रुञ्चे पद लालसाको विज्ञापन गरिरहेका छन् ।
४. मुलुक र समाजलाई गरेको योगदानको सडकमा ढुङ्गा हान्ने, टायर बाल्ने, ऋषि धमला शैलीमा भाषण र अन्तर्वार्तामा देखाउने बाहेक कुनै विशिष्ट योग्यता, क्षमता, राष्ट्र र समाजलाई दिएको योगदानको बलमा काङ्ग्रेस महाधिवेशनमा प्रस्तुत हुन म छु, हामी छौँ भन्ने कोही हुनुहुन्न ?
देउवाजी, पौडेलजी, सिटौलाजी, खाँणजी आदि आदि जीहरू मात्रै हो काङ्ग्रेस, भनेको ?
सामाजिक सञ्जाल भरी छरिएका आत्म प्रचार र विज्ञापन देउवाजी, पौडेलजी, सिटौलाजी, खाँणजी आदि आदिजीहरूको कृपा र आशिर्वाद र शुभलाभको लागि मात्रै हो कि प्रजातन्त्र, जनता , राष्ट्रको लागि पनि केही सोच र योजना छ ?

 

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
सत्ता गठबन्धनले स्थानीय तह निर्वाचनबारे निर्वाचन आयोग र विज्ञहरुसँग छलफल गर्ने

काठमाडौँ । सत्तारुढ पाँच दलीय गठबन्धनले स्थानीय तहको निर्वाचनबारे कानुनविदहरुसँग छलफल गर्ने भएको

भिजिट भिसामा खाडी मुलुक जान रोक

काठमाडौं । सरकारले भ्रमण भिसामा खाडी मुलुक जान रोक लगाएको छ । गृह

स्थानीय सरकारलाई सबलीकरण गर्ने कार्य सरकारले उच्च प्राथमिकतामाः प्रधानमन्त्री(सम्बोधनको पूर्णपाठसहित)

काठमाडौं । प्रधानमन्त्री शेरबहादुर देउवाले एकवर्षभित्र तीन तहका निर्वाचन गर्नुपर्ने बाध्यता रहेकाले निर्वाचनको

१०,७०३ जनामा कोरोना संक्रमण, ७६६ जना संक्रमणमुक्त

काठमाडौं । नेपालमा थप १०७०३ जनामा कोरोना संक्रमण पुष्टि भएको छ । स्वास्थ्य