जहाँ तपाइँ, त्यहीं खबरः हातमा खबर डट कम



समादरणीय पाठकवृन्द
देशले संविधान पाएको असोज तीनको शुभ दिनांक पारेर हामी आएका छौं, तपाइँको माझमा, हातमा खबर डट कमका साथमा । संसार अहिले व्यस्त छ, तपाइँ हामी सबै आआफ्नो कर्ममा जुटिरहँदा फुर्सद कम छ ।

तै पनि सूचना प्रविधि जगतमा आएको क्रान्तिकारी विकासका परिणतिहरुले तपाइँ हाम्रो सूचनाको अधिकारलाई झनै सजिलो बनाएको छ ।

हामी हातमा औंलाका चालमा विश्व शेयर गर्न र आफूलाई चाहिएको सूचना प्राप्त गर्न सफल भएका छौं । मानिसको व्यस्त दैनिकीका बीच छिटो, सरल र सहज रुपमा तपाइँको सूचनाको भोक मेटाउने हाम्रो सानो प्रयास हो, हातमा खबर डट कम ।

मानिसको व्यस्त दैनिकीका बीच छिटो, सरल र सहज रुपमा तपाइँको सूचनाको भोक मेटाउने हाम्रो सानो प्रयास हो, हातमा खबर डट कम ।

जहाँ तपाइँ, त्यही खबर । यही हो हाम्रो लक्ष्य । तपाइँले खबर प्राप्त गर्न अब धाउने होइन, खबर तपाइँको हातमा तात्तातै आईपुग्ने छ, हातमा खबरका साथमा ।

दिन दिनका घटना प्रसंग, छिन् छिन्का सूचना तरंगहरुलाई हामी तपाइँकै ठाउँ, परिवेश र माझमा पस्किरहन्छौं पल पल । र, सदा आमपाठक वर्गलाई सूसूचित गरिहनेछौं, हातमै खबर पस्कदै ।

निश्चयनै अहिलेको दुनियाँमा सूचना प्राप्तीका धैरै उपाय छन् । त्यस्तो बेलामा प्रश्न स्वभाविक रुपमा उठन सक्छ, किन हातमा खबर डट कम नै चाहियो र ? हो, अनलाईन पत्रकारिताको दुनियाँमा एक प्रकारको बाढी नै आईरहेको सन्दर्भमा हामी प्रष्ट भिजन, मिसन र प्लान सहित तपाइँहरुको सेवामा हाजिर छौं, हातमा खबरका साथमा ।

अनलाईन पत्रकारिताको दुनियाँमा एक प्रकारको बाढी नै आईरहेको सन्दर्भमा हामी प्रष्ट भिजन, मिसन र प्लान सहित तपाइँहरुको सेवामा हाजिर छौं, हातमा खबरका साथमा ।

अनलाईन वा युटुव च्यानलहरुले सस्तो लोकप्रियताका लागि मात्रै सञ्चार कर्म गर्ने बेलगाम बेथितिपूर्ण वर्तमानमा फरक मतसहित पाठकहरुका लागि जिम्मेवार, जनउत्तरदायी र भरोसायोग्य सूचना र समाचार खेती गर्नु हाम्रो मुख्य भिजन हो । हामी सत्य, तथ्य र विश्वसनिय सूचना र समाचार प्रवाहलाई हाम्रा दिनदिन र छिन् छिन्का समाचार तरंगहरुका साथ प्राथमिकता दिने छौं ।

हामी सूचना र समाचार प्रवाहको वर्तमान शैली भन्दा भिन्न रुपमा आममानिसको जिन्दगीमा सकारात्मक उर्जा र प्रेरणा थप्ने सूचना शक्तिका रुपमा तपाइँहरुको साथमा रहने प्रण गर्दछौं ।

समाचार, विचार वा कुनै पनि सूचनाजन्य हाम्रो प्रश्तुतीले तपाई आमपाठक वर्गमा नकारात्मक भाव, व्यवहार र संस्कारको संचारण नगराओस् भन्ने हाम्रो लक्ष्य रहने छ । हुन्न, भएन, बिग्रियो, खत्तम भो आदि, ईत्यादि समाचार प्रवाहमा क्रमभंगता गर्ने हाम्रो प्रयास रहने छ । किन भने सकारात्मक सोच र चिन्तनबाटै जीवन र जगतलाई सहज बनाउन सकिन्छ भन्ने हाम्रो मान्यता र विश्वास हो ।

हामी जानकारीमूलक, शिक्षाप्रद र उत्साहले भरिपूर्ण ज्ञान गुनका विषय प्रसंगहरुका सूचना र समाचार तरंगहरुका साथ तपाइँहरुको हात हातको मोवाइलमा हाजिर हुँदै गर्दा, हाम्रा प्रस्तुतीहरु तपाइँहरुका लागि बढी से बढी उपयोगी र हितकारी होउन्, रहुन् भन्नेमा सदा सचेत रहने छौं ।

खबरै खबरका वीच उर्जा, उत्साह र उमंगका साथ समाजलाई सत्यमार्गमा हिँडाउन प्रेरित गर्ने खबर संगालो हुने छ हातमा खबर डट कम ।

बिक्ने खबर होइन, व्यूँझाउने खबर, तर्सिने खबर होइन, केही गर्न तम्साउने, उक्साउने खबर, निराशाको ग्राफ बढाउने खबर होइन, आशा र विश्वासको दियो जगाउने खबर । खबरै खबरका वीच उर्जा, उत्साह र उमंगका साथ समाजलाई सत्यमार्गमा हिँडाउन प्रेरित गर्ने खबर संगालो हुने छ हातमा खबर डट कम ।

हामी नयाँ छौं, सानै छौं । तर प्रष्ट छौं की हाम्रो यो यात्रा भदौरे भेल होइन, तपाइँहरुको सेवामा सकारात्मक संचार कर्मको अविरल गतिको सुरुवात हो ।

हामी माटोको माया कर्मका गर्दै जनताको संचार सारथीका रुपमा अविछिन्न लागिरहने छौं । यसैले हाम्रो यो पवित्र कर्ममा हामी आम पाठक, विज्ञापनदाता र समर्थक, शुभेच्छुक सबैबाट सकेको होस्टेमा हैंसे चाहन्छौं ।

हाम्रो यो पवित्र कर्ममा हामी आम पाठक, विज्ञापनदाता र समर्थक, शुभेच्छुक सबैबाट सकेको होस्टेमा हैंसे चाहन्छौं ।

हाम्रो पहिलो प्रयासमा रहेका कतिपय त्रुटि कमजोरीहरुलाई आआफ्ना तर्फबाट औंल्याउदै हामीलाई अरु सतमार्गमा अघि बढ्न सबैले सधै कडा खबरदारी गरिहनका लागि पनि विनम्र आग्रह गर्दछौं ।

हामीलाई आलोचनात्मक राय सुझाव र हरपलको साथ सबैबाट मिल्ने विश्वासका साथ आफ्नो सूचना, समाचार, ज्ञान र विज्ञापनको एक आधार स्रोतका रुपमा हातमा खबर डटकमलाई आफ्नो संचार सारथी बनाउन अपील गर्दछौ ।

तपाइँ हाम्रो सत्कर्म पूर्ण सकारात्मक संचारले सधै सबैको शुभ होस्, मंगल होस्, कल्याण होस् । हामी आफैंले आफैंलाई हेर्ने, चिन्ने र संसार शयर गर्ने लामो यात्रामा हातमा खबर डटकम तपाइँहरु सबैको असल सारथी बन्न सकोस् । धन्यवाद । जय देश, जय जनता ।


उदयराज ढकाल
अध्यक्ष तथा प्रवन्ध निर्देशक, अभिसर्ग मिडिया प्रा.लि.

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
केन्द्र सरकार ढल्ने त्रासमा ओली पक्ष, प्रतिवादमा उत्रिन उपप्रधानमन्त्री पोखरेलको आह्वान

काठमाडौं । कर्णाली प्रदेशमा नेकपा एमालेकै सांसदले फ्लोर क्रस गरी माओवादी केन्द्रका पक्षमा

सभामुखका कारण संसदले काम गर्न सकेनः प्रधानमन्त्री

काठमाडौं । प्रधानमन्त्री केपी शर्मा ओलीले संसदमा सभामुखले काम गर्न नदिएको भन्दै आक्रोश

यस्ता छन् सन् २०२१ को सोनी वर्ल्ड फोटोग्राफी अवार्ड् जित्ने तस्बिर

भिक्टोरियन पहिरनमा परम्परागत खाना पकाउने उपकरण शोना बोकिरहेकी एक युवतीको तस्बिरले २०२१ को

कर्णालीको राजनीति राष्ट्रिय राजनैतिक संकट समाधानको लागि मार्गदर्शनः जनार्दन शर्मा

काठमाडौं । नेकपा माओवादी केन्द्रका नेता जनार्दन शर्माले कर्णाली प्रदेशको राजनीतिले विधि नमान्नलाई