देख्नु भयो नि कसरी जनताका भनिएका नेताहरूले काम गर्छन्?

भीम उपाध्याय ।

देख्नु भयो नि कसरी जनताका भनिएका नेताहरूले काम गर्छन्?, कसरी आफैले बनाएको संविधानको आफै बलात्कार गर्छन्? मिच्छन्? कसरी पदका लागि देश र जनताको बलि चढाउछन्?

२०१५ सालको संविधान र ०४७ सालको संविधानलाई राजाहरूले मिचेको भनिएको थियो तर त्यो अधिकार संविधानले नै राजालाई दिएको थियो। तर अहिले गणतन्त्रमा संवधान मै नभएको कुरा कसरी प्रधानमन्त्री र राष्ट्रपति मिलेर मिचिदिए! अब त सबैको चेत खुल्यो होला नि!
मैले विगत २ वर्षदेखि मुलुकको शासनको गाडी भयंकर उफार्दै मनपरि चलाईदै छ भन्दै आएको थिएँ-

मातृका, गोर्बाचेभ र चाउचेस्कुको नेपाली संस्करण निस्कने पक्का छ भन्दै आएको थिएँ। तर समझदारलाई पो ईशारा काम लाग्थ्यो, मुर्ख र सत्ताको पैसा गुमा खसेको भए पनि मुखैले टिप्ने कुसंस्कारले नेताहरूलाई गॉजेपछि हुने हुनामी यही हो। यसमा म दु:खित भए पनि अचम्भित भने छैन। हुने यही थियो र त्यही भयो। आज म गलत थिइनँ भनेर सन्तोष लिन पाएको छु।

विगतमा पनि दुईदुई चोटी संसद विघठन भएर अदालतबाट ब्युतेको थियो। ज्ञानेन्द्र राजाले सत्ता हातमा लिएपछि पनि आन्दोलनबाट मरेको संसद पुन: ब्युताउदै जे मन लाग्दी गर्दै मुलुकको सत्ता राजनीति अघि बढेर आजको दिन आएको हो।
तर, नकारात्मक योगदानले मुलुक सकारात्मक बाटोमा हिड्न सक्छ। इतिहॉसले यही कुरा देखाउदै आएको छ! २४० वर्षको राजतन्त्र पनि वनबास गराईएको हो।
बस्! चाउचेस्कुको हविगत नेपालमा नआईलागोस्।