हामीले नेपालको पछिल्लो राजनीतिक घटनाक्रमलाई ध्यानपूर्वक हेरेका छौंः भारतीय विदेश मन्त्रालय

काठमाडौँ । भारतीय विदेश मन्त्रालयले नेपालको पछिल्लो राजनीतिक घटनाक्रमलाई आन्तरिक मामिला भएको बताएको छ । बुधबार भारतीय विदेश मन्त्रालयका प्रवक्ता अरिन्दम बागचीले नेपालको पछिल्लो घटनाक्रमलाई भारतले आन्तरिक मामिलाका रुपमा हेरेको बताएका हुन् ।

उनले बागचीले भने, ‘हामीले नेपालको पछिल्लो राजनीतिक घटनाक्रमलाई ध्यानपूर्वक हेरेका छौं । यसलाई हामी नेपालको आन्तरिक मामिलाका रुपमा नै लिन्छौँ ।’

We have taken note of the recent political developments in Nepal. We view these as internal matters of Nepal to be dealt by them under their own domestic framework and democratic processes: Ministry of External Affairs (MEA) pic.twitter.com/eF3PP5sfvd

— ANI (@ANI) May 26, 2021

त्यस्तै भातीय विदेशमन्त्रालयले नेपालले अहिलेको समस्या आफैं समाधान गर्नपर्ने पनि बताएको छ । नेपालले पछिल्लो समस्या आफ्नै घरेलु ढाँचा र लोकतान्त्रिक प्रक्रियामा रहेर समाधान गर्नुपर्ने उसको भनाई छ ।

मन्त्रालयले एक छिमेकी मुलुक भएका नाताले भारतले सधैं नेपालको प्रगति, शान्ति, स्थिरता र विकासको यात्रामा समर्थन गर्ने पनि उल्लेख गरेको छ ।