नाओमी ओसाका भइन् तेस्रो पटक ग्रान्डस्लाम च्याम्पियन

जापानकी नाओमी ओसाकाले युएस ओपनको महिला एकलको उपाधि जितेकी छिन् ।आइतबार विहान सकिएको खेलमा ओसाकाले बेलारुसकी भिक्टोरिया अजरेक्कलाई २(१ को सेटमा पराजित गरेर तेस्रो ग्रान्डस्लामको उपाधि जितेकी हुन् । जापानकी चौथो वरीयताकी खेलाडी ओसाकाले पहिलो सेट १(६ ले अजरेन्कालाई सुम्पिएकी थिइन् । तर २२ वर्षीय उदायीमान खेलाडी ओसकाले त्यसपछिका दुई सेटमा उत्कृष्ट खेल पस्किइन् । उनले दोस्रो सेट ६(३ ले आफ्नो पक्षमा पारिन्।

तेस्रो तथा निर्णायक सेटमा पनि लयमा देखिएकी ओसाकाले ६(३ ले जितेर दोस्रो पटक युएस ओपन जित्न सफल भएन् । यसअघि उनले सन् २०१८ को युएस ओपनमा सेरेना विलियम्सलाई पराजित गरेर पहिलो ग्रान्डस्लाम जितेकी थिइन्। उनी सन् २०१९ मा अस्ट्रेलियन ओपन च्याम्पियन बनेकी थिइन् ।  तेस्रो पटक ग्रान्डस्लाम च्याम्पियन बनेकी ओसाकाले आफू फाइनल पुगेको ग्रान्डस्लामको उपाधि जित्ने रेकर्ड पनि कायम राखिन् ।