साताको दुई दिने सार्वजनिक बिदाबाट पठनपाठनमा असर नपर्ने गरी तालिका बनाउन त्रिविको निर्देशन

काठमाडौँ । त्रिभुवन विश्वविद्यालयले सेमेस्टर प्रणाली र वार्षिक परीक्षालाई असर नपर्ने गरी पठनपाठनको तालिका बनाउन आंगिक क्याम्पसहरुलाई निर्देशन दिएको छ ।

सरकारले सातामा दुई दिन सार्वजनिक बिदा दिने निर्णय गरेपछि त्रिविले आंगिक क्याम्पस र विभागहरूलाई सेमेस्टर र वार्षिक परीक्षा प्रणालीअन्तर्गतका कक्षाको तोकिएको ‘क्रेडिट आवर’ नघट्ने गरी समय तालिका बनाउन निर्देशन दिएको हो ।

त्रिवि कार्यकारी परिषदले कात्तिक १६ गतेदेखि माघ १५ गतेसम्म दैनिक सात घण्टा र माघ १६ गतेदेखि कात्तिक १५ गतेसम्म दैनिक आठ घण्टा नघट्ने गरी काम गर्न कर्मचारीलाई निर्देशन दिएको छ।