हङकङको आवासीय भवनमा आगलागीमा लापरबाही गरेको आरोपमा १३ जना पक्राउ

हङकङ । हङकङको वाङ फुक कोर्टमा आगलागीमा लापरबाही गरेको आरोपमा प्रहरीले १३ जनालाई पक्राउ गरेको छ । स्थानीय अधिकारीहरूले पत्रकार सम्मेलन गरी १३ जना पक्राउ परेका जानकारी दिएका हुन् ।

प्रहरीले जनाएको अनुसार घटनाको विस्तृत अनुसन्धान अझै जारी रहेको छ, र आवश्यक परे थप व्यक्तिहरूलाई समेत पक्राउ गर्न सकिने सम्भावना छ ।

आगो लागेका भवनबाट सङ्कलित २० वटा निर्माण जालीका नमूनामध्ये ७ वटा जाँचका क्रममा आगो प्रतिरोधको न्यूनतम मापदण्ड समेत पुरा नगरेको पुष्टि भएको अधिकारीहरूले बताएका छन् ।

यिनै कमजोर निर्माण जालीका कारण आगो अत्यन्त तीव्र गतिमा फैलिएको हुन सक्ने प्रारम्भिक निष्कर्ष आएको छ ।