माध्यमिक शिक्षा परीक्षा(एसइई)को नतिजा प्रकाशित, ६१ प्रतिशत विद्यार्थी ग्रेडेड

काठमाडौं । राष्ट्रिय परीक्षा बोर्डले माध्यमिक शिक्षा परीक्षा (एसइई) को नतिजा प्रकाशित गरेको हो । शुक्रबार साँझ बसेको बोर्डको बैठकले एसइईको नतिजा सार्वजनिक गरेको हो ।

यसवर्ष ६१ प्रतिशत विद्यार्थी ग्रेडेड  भएका छन् ।  बोर्डका अनुसार नियमिततर्फ जीपीए ३.६० देखि ४.० ल्याउनेको संख्या ४८ हजार १ सय ७७ रहेको छ ।

गत वर्षको चैत ७ गतेदेखि सुरु भएको एसईईमा ४ लाख ९९ हजार १८३ विद्यार्थी सहभागी भएका थिए। जसमा नियमिततर्फ ४ लाख ३१ हजार ४६६ र ग्रेड वृद्धितर्फ ६७ हजार ७१५ जना थिए ।

परीक्षार्थीले बोर्डको वेबसाइट www.neb.gov.np बाट एसइईको नतिजा हेर्न सक्छन्। यस्तै, ल्यान्डलाइन वा मोबाइल फोनबाट १६०० डायल गरी प्राप्त निर्देशनअनुसार सिम्बोल नम्बर राखेर पनि हेर्न सकिन्छ।

३.६ देखि ४ जीपीए ल्याउने ४८ हजार १७७

३.२ देखि ३.६ जीपीए ल्याउने ८१ हजार ३८५

२.८ देखि ३.२ जीपीए ल्याउने ८९ हजार १२४

२.४ देखि २.८ जीपीए लयाउने ४८ हजार ४७९

२ देखि २.४ जीपीए ल्याउने ४ हजार १२६

१.६ देखि २ जीपीए ल्याउने ८ जना

१२६ जना परीक्षार्थीको परीक्षा रद्द भएको छ

अवर्गीकृत परीक्षार्थीको संख्या : १ लाख ६७ हजार ५९७