विवादित नियमावली खारेज गरेर मात्र न्यायाधीश नियुक्ति प्रक्रिया सुरु गर्न नेपाल बारको माग

काठमाडौं । नेपाल बार एसोसिएसनले विवादित नियमावलीका आधारमा सर्वोच्च अदालतमा न्यायाधीश नियुक्ति प्रकृया सुरु गरिएको भन्दै आपत्ति जनाएको छ ।

बिहीबार विज्ञप्ति जारी गरी बारले विवादित नियमावली संशोधन गर्न माग गरेको हो । बारले विवादित नियमावली खारेज गरेर मात्र न्यायाधीश नियुक्ति गर्न माग गरेको छ । नियमावली खारेज नभए कडा आन्दोलनमा उत्रिने बारले चेतावनी पनि दिएको छ ।