जीबी राई मलेसियामा रहेको पत्तालागेको छः गृहमन्त्री लामिछाने

चितवन । उपप्रधान एवं गृहमन्त्री रवि लामिछानेले सहकारी ठगी प्रकरणमा फरार रहेका जीबी राई मलेसियामा रहेको पत्तालागेको बताएका छन् ।

बिहीबार चितवनको भरतपुर विमानस्थलामा पत्रकारहरुसँग कुरा गर्दै गृहमन्त्री लामिछानेले जीबी राईलाई फिर्ता ल्याउन मलेसियाका गृहमन्त्रीसँग कुराकानी भइरहेको जानकारी दिएका हुन् ।

उनले मलेसियाका गृहमन्त्रीले जीबी मलेसियामा रहेका कन्फर्म रहेको बताए । उनले भने, ‘जीबी राई कहाँ छन् भन्ने हामीलाई थाहा भइसकेको छ। मलाई मलेसियाको गृहमन्त्रीले नै कन्फर्म गर्नुभएको छ ।’

मलेसियासँग सुपर्दुगी सन्धी नभएका कारणले उनलाई ल्याउन केही ढिलाई भएको उनले बताए ।