नेपाललाई आयरल्यान्डले दियो विशाल लक्ष्य

काठमाडौँ । आयरल्यान्ड ए ले टी–२० शृंखलाअन्तर्गत दोस्रो खेलमा नेपाल ’ए’ लाई २२५ रनको लक्ष्य दिएको छ । टस हारेर ब्याटिङमा उत्रिएको आयरल्यान्डले निर्धारित २० ओभरमा ६ विकेट गुमाउँदै २२४ रन बनाएको हो ।

आयरल्यान्ड कप्तान निलले अविजित रहँदै सर्वाधिक ७१ रन बनाए। ३४ बल खेलेका उनले १ चौका र ७ छक्का प्रहार गरे । यस्तै, पिटर मुरले २६ बलमा ३ चौका र ७ छक्कासहित ६५ रन बनाए ।

जेम्स जेम्स म्याकोलम २६, रोस अडायर १७ र ग्यारेथ डेनाली १० रनमा आउट हुँदा फिओन ह्यान्ड १९ रनमा अविजित रहे । नेपालका सागर ढकालले सर्वाधिक ३ विकेट लिए। ४ ओभर बलिङ गरेका उनले ३३ रन खर्चिए । कमलसिंह ऐरी र पवन सर्राफले १/१ विकेट लिए।