अमेरिकाद्वारा राष्ट्रसङ्घका लागि क्युबाका दुई कूटनीतिज्ञलाई देशनिकाला



संयुक्त राज्य अमेरिकाले न्यूयोर्कस्थित संयुक्त राष्ट्रसङ्घका लागि क्यूवाका दुई कूटनीतिज्ञलाई देशनिकाला गरेको छ ।

अमेरिकी विदेश मन्त्रालयका प्रवक्ताका अनुसार उनीहरूमाथि “अमेरिकाको राष्ट्रिय हितलाई हानि पुग्ने गतिविधिमा संलग्न“ रहेको आरोप छ ।

अमेरिकाले अन्य क्युबाली कूटनीतिज्ञको हिँडडुलमा पनि प्रतिबन्धहरू लगाउँदै राष्ट्रसङ्घको मुख्यालय रहेको म्यान्ह्याटनभित्रै रहनुपर्ने उल्लेख गरेको मोर्गन ओर्टागुसले बताए ।

अमेरिकाले क्युबाली कूटनीतिज्ञका आरोपित गतिविधिबारे विस्तृत रूपमा उल्लेख गरेको छैन । क्युबाका विदेशमन्त्री ब्रुनो रोड्रिगुएजले सो कदमलाई “स्पष्ट रूपमा अनुचित“ भएको बताएका छन् ।

स्पेनिश भाषामा गरेको ट्वीटमा उनले आफ्नो देशका कूटनीतिज्ञमाथि लगाइएका आरोप “अश्लील आरोप“ भएको बताएका छन् र देशनिकालाको कदमले तनाव उत्पन्न गराएको उल्लेख गरेका छन् ।

राष्ट्रसङ्घीय महासभाका लागि केही दिनमा विश्वका नेताहरू न्यूयोर्कमा भेला हुँदैछन् । पछिल्लो देशनिकाला संयुक्त राज्य अमेरिका र कम्युनिस्ट मुलुक क्युबाबीचको ताजा कूटनीतिक मुठभेडको घटना हो ।

गत जुलाई महिनामा क्युबाले एउटा अमेरिकी प्राज्ञिक अध्ययनलाई खारेज गरिदिएको थियो जसको निष्कर्ष थियो क्युबामा काम गरेका अमेरिकी कूटनीतिज्ञहरूको मस्तिष्कमा समस्या देखिएको छ ।

जर्नल अफ द अमेरिकन मेडिकल असोसिएशनमा प्रकाशित अध्ययनमा कूटनीतिज्ञहरूको मस्तिष्कमा ह्वाइट म्याटर भनिने क्षेत्र कम रहेको उल्लेख गरिएको थियो ।

बिहीवार प्रकाशित एउटा क्यानेडियन अध्ययनमा क्युबामा कीराफट्याङ्ग्रा नियन्त्रणका लागि छर्किने कीटनाशकमा हुने न्यूरोटक्सिनको असर हुन सक्ने उल्लेख गरिएको छ। । अमेरिकी राष्ट्रपति डोनल्ड ट्रम्पले पद सम्हालेयता क्युबामाथि दबाव बढाउँदै लगेका छन्।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
टर्कीमा पर्यटकको संख्या ८० प्रतिशतले बृद्धि

टर्कीमा पर्यटन गतिविधिबाट सङ्कलन हुने राजस्वमा ५३.४ प्रतिशतले वृद्धि भएको छ । देशको

श्रीलङ्काका राष्ट्रपतिद्वारा सरकारी खर्च कटौती गर्न निर्देशन

श्रीलङ्काका राष्ट्रपति रनिल विक्रमासिङ्घेले मन्त्रिपरिषद्लाई सरकारी खर्च घटाउन निर्देशन दिएका छन् । राष्ट्रपतिको

लडाकु विमान दुर्घटनामा भियतनाममा चालकको मृत्यु

हनोई । लडाकु विमान दुर्घटनामा चालकको मृत्यु भएको छ । उत्तर भियतनामको येनबाई

निर्वाचनमा प्रतिस्पर्धा गर्ने श्रीलंकाका पूर्वराष्ट्रपति सिरिसेनाको घोषणा

श्रीलङ्काका पूर्वराष्ट्रपति मैत्रीपाला सिरिसेनाले आगामी राष्ट्रपतीय निर्वाचनमा प्रतिस्पर्धा गर्ने घोषणा गरेका छन् ।