विश्वमा १ करोड ३० लाख भन्दा बढीलाई कोरोना संक्रमण
विश्वभर महामारीको रुपमा फैलिएको कोरोना भाइरस संक्रमितको संख्या १ करोड ३० लाख नाघेको छ । पछिल्लो २४ घण्टामा १ लाख ९४ हजार ३ सयभन्दाबढी संक्रमित थपिएसगै संक्रमितको संख्या १ करोड ३० लाख ३४ हजार ९ सय ५५ पुगेको हो । संक्रमितमध्ये ५ लाख ७१ हजार ६ सय १८ जनाको कोरोना संक्रमणबाटै मृत्यु भएको वल्डोमिटरले जनाएको छ ।
आईतबार एकै दिन १ लाख २ हजारभन्दा बढी कोरोना संक्रमित उपचारपछि घर फर्किएका छन् । हालसम्म ७५ लाख ८१ हजार ५ सय २५ संक्रमित उपचारपछि निको भएर अस्पतालबाट डिस्चार्ज भएका छन् ।
यस्तै, युरोपियन मुलुकहरूमा २५ लाख ७० हजार ९ सयभन्दाबढी, उत्तर अमेरिकी मुलुकहरुमा ३९ लाख ९५ हजार ६ सय, एसियाली मुलुकहरूमा २९ लाख ५७ हजार ६ सय र दक्षिण अमेरिकी मुलुकहरूमा २८ लाख ९३ हजार ३ सयभन्दाबढी संक्रमित भएका छन् । यस्तै, अफ्रिकी मुलुकहरूमा ५ लाख ९८ हजार २ सय ३६ जना र अष्ट्रेलियासहित ओसिनियाका मुलुकहरुमा ११ हजार ४ सय ६० जना संक्रमित भएका छन् ।
सबैभन्दा बढी प्रभावित अमेरिकामा संक्रमितको संख्या ३४ लाख १३ हजार ९ सय ९५ पुगेको छ । जसमध्ये १ लाख ३७ हजार ७ सय ८२ जनाको मृत्यु भएको छ । यस्तै, ब्राजिलमा १८ लाख ६६ हजार १ सय ७६ संक्रमित भएका छन् भने ७२ हजार १ सयभन्दा बढीको मृत्यु भएको छ ।
