बेइजिङ र वुहानबीच पुनः हवाई सेवा सुरु
चीनको राजधानी बेइजिङ र वुहान सहरबीच हवाई सेवा सुरु भएको छ । मंगलबारदेखि दुई सहरबीच हवाई सेवा सुरु भएको हो । वुहान यातायात प्राधिकरणका अनुसार चाइना साउदर्न एयरलाइन्सले दैनिक उडान भर्न सुरु गरेको छ ।
यो विमान सेवाबाट यात्रा गर्नेले १४ दिनको क्वारेन्टिन बस्नु पर्ने छैन । कोरोना महामारीभन्दा पहिले वुहान अन्तर्राष्ट्रिय विमानस्थल सुदूर पूर्व र पश्चिममा चिनियाँ उडानहरू जोड्ने प्रमुख केन्द्र थियो । तर कोरोनाको महामारीले वुहानले ७६ दिनका लागि लकडाउन घोषणा गरेपछि यातायात सेवा बन्द भएको थियो ।
