चीनमाथि प्रतिवन्ध लगाउने ट्रम्पको चेतावनी
अमेरिकी राष्ट्रपति डोनाल्ड ट्रम्पले चीनमाथि प्रतिवन्ध लगाउनेबारे विचार गरिरहेको बताएका छन् । पत्रकारहरुसँग कुरा गर्दै राष्ट्रपति ट्रम्पले कोरोना भाइरसको संक्रमण रोक्न नसक्ने चीनलाई प्रतिवन्ध लगाउन सकिने कुरालाई अस्विकार गर्न नसकिने बताएका हुन् । अमेरिकाले चीनको ल्याबबाट कोरोना भाइरसको महामारी फैलिएको दाबी गर्दै आएको छ ।
कोरोना भाइरसको संक्रमण फैलिन नदिन चीनले पर्याप्त सावधानी नअपनाएको र विश्व स्वास्थ्य संगठनले पनि चीनको पक्षपोषण गर्दै आएको आरोप ट्रम्पले लगाउँदै आएका छन् । यही कारण अमेरिकाले विश्व स्वास्थ्य संगठनलाई गर्दै आएको आर्थिक सहयोग कटौतीसमेत गरेको छ ।
