हङकङमा प्रदर्शनकारीमाथि प्रहरीको गोली प्रहार
हङकङमा सोमबार बिहान भएको प्रदर्शनमा प्रहरीले चलाएको गोली लागि एक जना प्रदर्शनकारी घाइते भएका छन् । फेसबुकमा लाइभ देखिएको फुटेजमा एकजना प्रदर्शनकारीलाई प्रहरीले गोली हानेको देखिएको छ ।
गोली लागेको पहिलो व्यक्तिको अवस्थाका बारेमा पनि जानकारी हुन सकेको छैन । फुटेजमा सो व्यक्ति भुईंमा लडिरहेको,आँखा खुला भएको र उसको शरीरमा रगत बगेको देखिएको छ ।
गएको जुनमा हङकङमा प्रदर्शन शुरु भएपछि यसपालि त्यहाँको प्रहरीले लाइभ गोली प्रहार गरेको यो तेस्रो पटक हो । यसअघि गएको अक्टोबर १ र ४ तारेखमा यसरी गोली प्रहार भएको थियो ।
प्रदर्शनकारीले सोमबार बिहान साइ वान हो चोकमा अवरोध सिर्जना गर्दा प्रहरीले गोली हानेको हो । प्रदर्शनकारीले आज शहरका विभिन्न क्षेत्रमा सडक अवरोध गरेका छन् ।
