गणेश थापालाई एन्फाको साधारण सभास्थलमा प्रवेश गर्न नदिएपछि विवाद
काठमाडौं । अखिल नेपाल फुटबल संघ(एन्फा) का पूर्वअध्यक्ष गणेश थापालाई एन्फाको साधारण सभास्थलमा प्रवेश गर्न नदिएपछि विवाद भएको छ ।
काभ्रेको धुलिखेलमा आज आयोजना गरिएको एन्फाको साधारणसभामा सहभागी हुन गएका थापालाई प्रवेशका लागि पास नभएको भन्दै गेटमै रोकिएको हो ।
थापालाई गेटमै रोकेपछि त्यहाँ तनाव भएको छ । थापाले अदालतको निर्णय एन्फाले मान्नुपर्ने बताएका छन् । फिफाले थापामाथि लगाएको प्रतिबन्ध अप्रिल १५ मा फुकुवा भएपछि उनी फुटबलका गतिविधिहरुमा सक्रिय हुन थालेका छन् ।
