म्यानचेस्टर सिटीलाई हराउँदै आर्सनल एफए कपको फाईनलमा

म्यानचेस्टर सिटीलाई पराजित गर्दै आर्सनल एफए कपको फाइनलमा प्रवेश गरेको छ । शनिबार राति भएको खेलमा आर्सनलले सिटीलाई २ शुन्य गोलले पराजित गरेको हो । आर्सनलको जितमा पियरी इमिरेक अयुबामेयाङले दुवै गोल गरे । उनले खेलको १९ मिनेटमा पहिलो गोल गरेका थिए । निकोलास पेपेको क्रसमा उनले उत्कृष्ट गोल गरेका थिए । अयुबामेयाङले ७१ मिनेटमा आर्सनलको अग्रता दोब्बर पारे ।

जितसँगै आर्सनल एफए कपको फाइनलमा २१औं पटक प्रवेश गर्न सफल भयो। जसमध्ये आर्सनलले १३ पटक उपाधि जितेको छ । अब उपाधिका लागि आर्सनलले अगस्ट १ मा चेल्सी वा म्यानचेस्टर युनाइटेडसँग खेल्नेछ । चेल्सी र युनाइटेडबीच दोस्रो सेमिफाइनलमा आइतबार प्रतिस्पर्धा हुनेछ