लिओनेल मेस्सीको ला लिगाको एउटै सिजनमा २० भन्दा बढी गोल
कप्तान लिओनेल मेस्सी ला लिगाको एउटै सिजनमा २० वा सोभन्दा बढी गोल र सँगै २० वा सोभन्दा बढी गोलको अवसर सिर्जना गर्ने पहिलो खेलाडी बनेका छन् । सन् २००८–०९ सिजनमा बार्सिलोनाका पूर्व खेलाडी ज्याभीपछि मेस्सीले एकै सिजनमा २० वटा गोलको अवसर सिर्जना गर्न सफल भएका हुन् ।
ला लिगाको एकै सिजनमा कुनै पनि खेलाडीले एकैपटक २० वा सोभन्दा बढी गोल र एसिस्टको कोशेढुंगा पार गर्न सकेका छैनन् । युरोपका शीर्ष ५ लिगमा भने यो उपलब्धि हासिल गर्ने मेस्सी दोस्रो खेलाडी हुन् । यसअघि थिएरी हेनरीले सन् २००२-०३ सिजनमा आर्सनलका लागि २४ गोल र २० एसिस्ट गरेका थिए ।
