सागको समग्र प्रतिवेदन प्रस्तुत
१३औं सागको समग्र प्रतिवेदन प्रस्तुत गरेका छन् । राष्ट्रिय टिम तयारी समितिका संयोजक रिमबहादुर रानाभाटले १३औं सागको समग्र प्रतिवेदन प्रस्तुत गरेका हुन् ।
युवा तथा खेलकुद मन्त्रालयको संयोजनमा तयार भएको २२ पेज लामो प्रतिवेदन सहायक सेभ दि मिसन रानाभाटले शुक्रबार नेपाल ओलम्पिक कमिटीमा प्रस्तुत गरेको हो । रानाभाटले प्रतिवेदन सार्वजनिक गरेपछि नेपाल ओलम्पिक कमिटीका अध्यक्ष जीवनराम श्रेष्ठले रानाभाटलाई धन्यवाद दिँदै १३औं साग सबै सरोकारवाला निकायको सामूहिक प्रयासका कारण ठूलो सफलता हात पारेको बताए ।
यस्तै, अध्यक्ष श्रेष्ठले यो प्रतिवेदन भविष्यको कार्यक्रमका लागि पनि सहयोगी हुने बताए । कार्यक्रममा ओलम्पिक कमिटीका उपाध्यक्ष अशोकरत्न बज्राचार्य, चतुरानन्द राज वैद्य र महासचिव नीलेन्द्रराज श्रेष्ठको सहभागिता रहेको थियो ।
