१३ औं दक्षिण एसियाली खेलकुद प्रतियोगिताका पदक विजेता खेलाडी र प्रशिक्षकको नगरपरिक्रमा
काठमाडौं । हालै सम्पन्न १३ औं दक्षिण एसियाली खेलकुद प्रतियोगिता (साग) मा पदक विजेता खेलाडीहरुलाई नगरपरिक्रमा गरिएको छ । पदक विजेता खेलाडीहलाई अविर र फुलमाला लगाएर नगर परिक्रमा गरिएको हो ।
पदक विजेता खेलाडीहरुलाई काठमाडौं, ललितपुर भक्तपुरका विभिन्न स्थानमा नगरपरिक्रमा गरिने कार्यतालिका रहेपनि मौसमको खराबीका कारण कार्यक्रम छोटो पारिएको थियो ।
उपाध्यक्ष पिताम्बर तिमल्सिनाका अनुसार राखेपको परिसरबाट सुरु भएर न्युरोड, भोटाहिटी, रत्नपार्क, भृकुटीमण्डप, भद्रकाली, सिंहदरबार, थापाथली हुँदै त्रिपुरेश्वरसम्म पदकधारी खेलाडीहरुलाई परिक्रमा गरिएको थियो । मंसिर १५ देखि २४ गतेसम्म सञ्चालन भएको सागमा नेपालले ५१ स्वर्ण पदक दोस्रो स्थान हासिल गरेको थियो ।
