१३ औं दक्षिण एसियाली खेलकुद (साग) मा चौथो स्वर्ण : गौरिका सिंह

काठमाडौं । सातदोबाटोस्थित गौरिका सिंहले १३ औं दक्षिण एसियाली खेलकुद (साग) मा चौथो स्वर्ण जितेकी छिन् ।
सोमबार इन्डोर स्विमिङ पुलमा गौरिकाले १ सय मिटर फ्रिस्टाइलमा स्वर्ण हासिल गरेकी हुन् । उनले निर्धा्रित दूरी ५८.१३ सेकेन्डमा पूरा गरिन् । उनले भारतीय प्रतिद्वन्द्वीलाई ०.०२ सेकेन्डले पछि पार्दै स्वर्ण जितेकी हुन् । सिवांगी शर्माले ५८.१५ सेकेन्डमा निर्धा्रित दूरी पूरा गर्दै रजत जितिन् । एनी जैनले ५९.०४ सेकेन्डमा दूरी पूरा गर्दै कास्य हात पारिन् ।

जारि १३ औं सागमा गौरिकाको चौथो स्वर्ण हो । यसअघि उनले ४ सय मिटर फ्रिस्टाइल, २ सय मिटर ब्याकस्ट्रोक र २ सय मिटर रिलेमा स्वर्ण जितेकी थिइन् ।