३० वर्षपछि समातिए सिम्रौनगढका जयमंगल प्रसादका हत्यारा
काठमाडौं । २०४४ भदौ १२ मा बारा सिम्रौनगढ नगरपालिका वडा नम्बर ६ कोहलपुर बस्ने जयमंगल प्रसादलाई हत्या गरेर फरार भएका अभियुक्त ३० वर्षपछि पक्राउ परेका छन । प्रहरीले घटनामा संलग्न रहेका बाराको सिम्रोनगढ नगरपालिका वडा नम्बर ७ का श्यामकिशोर प्रसाद कुशवाहालाई पक्राउ गरेको हो ।
बारा जिल्ला अदालतले उनलाई दुई हजार ४७ सालमा १० वर्ष कैद सजायको फैसला सुनाएको थियो । कुशवाहा भारतमा लुकिछिपी बसेको विशेष सुचनाको आधारमा २ नम्बर प्रदेश प्रहरी कार्यालय जनकपुर र ईलाका प्रहरी कार्यालय सिम्रौनगढ बाराको संयुक्त प्रहरी टोलीले खोजतलाश गर्दै जाने क्रममा मंगलबार विहान ६ बजे नेपाल भारत सीमा क्षेत्र सिम्रोनगढ नगरपालिका वडा नम्बर दुईबाट पक्राउ गरेको हो ।
