२० लाख नगदसहित काठमाडौंबाट एक हुण्डी कारोवारी पक्राउ
काठमाडौं । काठमाडौं उपत्यकाभित्र गैरकानुनी तवरले हुण्डीको कारोवार गर्ने एक जनालाई प्रहरीले करिव २० लाख नगदसहित पक्राउ गरेको छ । गोप्य सूचनाका आधारमा उपत्यकाका विभिन्न स्थानहरुमा चेकजाँच गर्ने क्रममा काठमाडौं विशाल बजार नजिक शंकास्पद रूपमा हिडिरहेका स्याङ्जाका ढुण्डिराज न्यौपानेलाई प्रहरीले पक्राउ गरेको हो ।
उनको साथबाट प्रहरीले १९ लाख ९१ हजार र भाइबरमार्फत हुण्डीको कारोवार गरिएको बिवरण फेला पारेको छ । उनलाई थप अनुसन्धान तथा कारवाहीको लागि राजश्व अनुसन्धान विभाग हरिहर भवन पुल्चोक ललितपुर पठाइने प्रहरीले जनाएको छ ।
