सार्वजनिक यातायात खोल्ने विषयमा सरकारसँग वार्ता गर्न कार्यदल गठन

काठमाडौं । सार्वजनिक यातायात खोल्ने विषयमा सरकारसँग वार्ता गर्न यातायात व्यवसायी र मजदूर सम्मिलित कार्यदल गठन गरिएको छ । नेपाल राष्ट्रिय यातायात व्यवसायी महासंघको पहलमा शनिबार बसेको यातायात व्यवसायी र मजदूर संगठनहरुको संयुक्त बैठकले कार्यदल बनाएको हो ।

कार्यदलमा नेपाल यातायात राष्ट्रिय व्यवसायी महासंघका अध्यक्ष योगेन्द्रनाथ कर्माचार्य तथा मजदूर संगठनहरुको तर्फबाट नेपाल यातायात मजदूर संघका अध्यक्ष धर्मराज भण्डारी, अखिल नेपाल यातायात मजदूर संघका अध्यक्ष दीपक केसी तथा तथा नेपाल यातायात स्वतन्त्र मजदूर संघका अध्यक्ष भीमज्वाला राई छन् ।

महासंघसहित तीनवटै संघका अध्यक्षहरु सहभागी बैठकले महासंघको शुक्रबारको घोषणाजस्तै तत्कालै सार्वजनिक यातायात सञ्चालन गर्नसक्ने वातावरण नभएको बताएको थियो ।