सिन्धुपाल्चोकको बाह्रबिसेमा बाढीको बितण्डा(फोटो फिचर)
सिन्धुपाल्चोक । सिन्धुपाल्चोकमा भोटेकोशी र याल्मो नदीमा गएराति आएको बाढीले बगाउँदा दुईजनाको मृत्यु भएको छ । बाह्रबिसे ५ जम्बुका दुई जनाको शव भेटिएको छ भने १८ जना बेपता भएका छन् । जम्बुमा केही घर बगाएको स्थानीयले जानकारी दिएका छन् । जम्बु बाह्रबिसे बजारबाट करीब ३ किलोमिटर माथि पर्दछ । बाह्रबिसे नगरपालिका ३ खागदलमा बाढीले कच्ची र पक्की गरी २० घर बगाएको छ । प्रहरीका अनुसार बाढीले बाह्रबिसे नगरपालिका भन्दा माथि खागदल पुल बगाएको छ । पुल बगाउँदा बाह्बिसे माथि र तलको सम्पर्क टुटेको छ ।
जसका कारण बाढीले क्षति पुर्याएको जम्बुमा प्रहरी पुग्न सकेको छैन् । मध्य भोटेकोशीको निर्माण स्थल पनि बाढीका कारण ध्वस्त भएको छ ।
यसैगरी जुरे पहिरो अगाडि लगभग सय मिटर सडक पनि खोलाले कटान गरेको छ ।
फोटो : सामाजिक संजालबाट
