१२ हजार घुस रकमसहित प्रहरी निरीक्षक पक्राउ

हेटौंडा । इलाका प्रहरी कार्यालय भीमफेदीका प्रहरी निरीक्षक रामबालक राय घूससहित पक्राउ परेका छन् । उनलाई भीमफेदी–६ मा रहेको सगरमाथा होटलबाट ठेकेदार दुर्गा लामासँग घूस लिँदै गर्दा प्रहरीले पक्राउ गरेको हो ।

वाग्मती प्रदेश प्रहरी कार्यालय हेटौंडाको टोलीले उनलाई शनिबार घूस रकमसहित नियन्त्रणमा लिएको हो । वाग्मती प्रदेश प्रहरी कार्यालयमा उनीविरुद्ध घूस लिने गरेको उजुरी दैनिकजसो परेपछि आफूहरुले छड्के गरेको प्रहरी नायव महानिरीक्षक (डीआईजी) बसन्तकुमार लामाले जानकारी दिएका छन् । उनका अनुसार रायलाई नगद १२ हजारसहित नियन्त्रणमा लिइएको हो ।