कांग्रेस सांसद ज्वारचनलाई पद तथा गोपनियताको सपथ

काठमाडौं । सभामुख अग्निप्रसाद सापकोटाले सुवर्ण ज्वारचनलाई प्रतिनिधिसभा सदस्यको पद तथा गोपनीयताको सपथ गराएका छन् । आइतबार सिंहदरबारस्थित संघीय संसद सचिवालयमा ज्वारचनलाई पद तथा गोपनीयताको सपथ गराएका हुन् । ज्ञानकुमारी छन्त्यालको निधन भएपछि रिक्त स्थानमा कांग्रेसले ज्वारचनलाई सांसद बनाएको थियो ।

समानुपातिक सांसद छन्त्यालको असार १७ गते निधन भएको थियो । सामानुपातिक तर्फको कुनै सांसदको निधन भएमा सोही सामावेशी समूहअन्तर्गत पार्टीले निर्वाचन अयोगमा बुझाएको बन्दसूचीको पहिलो नम्बरमा रहेको व्यक्ति स्वतः सांसद बन्न पाउने व्यवस्था छ ।