एमसीसी संसदबाट छिटो पारित गर्नुपर्छः डा. महत
काठमाडौं । पूर्वअर्थमन्त्री डा. रामशरण महतले अमेरिकाको मिलेनियम च्यालेन्ज कर्पोरेशन (एमसीसी) सैन्य गठबन्धनको अंग नभएकोले नेपालले संसदबाट छिटो पारित गर्नुपर्ने बताएका छन् ।
आइतबार काठमाडौंमा आयोजित साक्षात्कारमा उनले एमसीसीको मिलिटरीसँग कुनै सम्बन्ध नभएको भन्दै भ्रममा नपर्न सम्बद्ध सबै पक्षलाई आग्रह गरे । महतले मुलुकको आर्थिक वृद्धिदर बढाउनको लागि एमसीसी अन्तर्गतका कार्यक्रमहरुले ठूलो मद्दत पुर्याउने बताए ।
सन् २००४ बाट अमेरिकी सरकारले निश्चित शर्त र मापदण्ड पूरा गर्ने देशहरुलाई एमसीसी कार्यक्रम अन्तर्गत ५० करोड अमेरिकी डलर सहयोग गर्दै आएकाले सबै शर्त पुरा गरी सहयोग लिन ढिलाई गर्न नहुने बताए ।
फरक प्रसङ्गमा नेता महले कांग्रेस भित्र केही विवाद रहेको बताउँदै ति विवाद तत्काल समाधान हुनुपर्नेमा जोड दिए । उनले बहुमतको आधारमा अनुचित निर्णय गर्न नहुने भन्दै महाधिवेशनलाई मुख्य एजेण्डा बनाउनुपर्ने बताए ।
