थुनामा रहेका व्यक्ति छुटाइदिने भन्दै दुई लाख घुस लिने अदालतका कम्प्यूटर अपरेटर अख्तियारको फन्दामा
काठमाडौं । जिल्ला अदालत नवलपरासीमा कार्यरत कम्प्युटर अपरेटर दुई लाख रूपैयाँ घुससहित पक्राउ परेका छन् ।
अख्तियार दुरूपयोग अनुसन्धान आयोगको टोलीले बुधबार जिल्ला अदालतका कम्प्युटर अपरेटर राम लखन बनियालाई घुससहित पक्राउ गरेको हो ।
लागुऔषधको मुद्दामा पुर्पक्षका लागि कारागार कार्यालय नवलपरासीमा रहेका व्यक्ति छुटाउन सहजीकरण गरिदिने भन्दै उनले घुस मागेका थिए ।
उक्त सूचनापछि अख्तियारको बुटवलस्थित कार्यालयबाट खटिएको टोलीले बनियालाई पाल्दीनन्दन गाउँपालिका–३ बेलासुर चोकबाट पक्राउ गरेको हो ।
