कास्कीको अन्नपूर्णमा चट्याङ लागेर दुई जनाको मृत्यु
पोखरा । कास्कीको अन्नपूर्ण गाउँपालिका–११, पोडेमा आइतबार दिउँसो चट्याङ लागेर दुई जनाको मृत्यु भएको छ ।
जिल्ला प्रहरी कार्यालय कास्कीका अनुसार चट्याङ लागेर संखुवासभाको सिलीचोङ गाउँपालिका–२ का ४४ वर्षीय भरतकुविर राई र १८ वर्षीय महेश राईको मृत्यु भएको हो ।
कास्की प्रहरीका सूचना अधिकारी तथा प्रहरी नायब उपरीक्षक वसन्तकुमार शर्माका अनुसार आइतबार दिउँसो करिब १ बजेको समयमा परेको चट्याङले उनीहरूको ज्यान गएको हो ।
