पूर्वराजा आगामी साता भैरहवा भ्रमणमा जाने
काठमाडौं । देश उपचुनावको माहौलमा होमिएका बेला पूर्वराजा ज्ञानेन्द्र शाह भैरहवा भ्रमणमा निस्कने भएका छन् । आगामी साता निजी भ्रमणका दौरान पूर्वराजा शाह भैरहवा जान लागेका उहाँका निजी संवाद सचिव डा. फणीराज पाठकले जानकारी दिएका छन् ।
विस्तृत जानकारी नदिईएको भएपनि पूर्वराजा शाहले स्थानीय धार्मिक तीर्थस्थलको पुजाआजा र स्थानीय नागरिकहरुसंग अन्तरक्रिया र भेटघाट गरेर केही दिन बिताउने बुझिएको छ ।
भैरहवामा स्वतन्त्र नागरिक समाज लगायतका राजसंस्थावादी समुहले पूर्वराजालाई स्वागत गर्ने कार्यक्रम रहेको थाहा भएको छ ।
जिर थापाको संयोजनकारी नेतृत्वमा वुटवलमा पूर्वराजा र राजसंस्थाको पक्षमा लामो समयदेखि अभियानहरु सञ्चालन हुदै आएका छन ।
