वीरगंजस्थित नारायणी अस्पतालको प्रयोगशालामा गरिएको परीक्षणमा थप ४३ जनामा कोरोना संक्रमण
वीरगंज । बारा, पर्सा र रौतहटमा गरी थप ४३ जनामा कोरोना संक्रमण पुष्टि भएको छ । नारायणी अस्पतालको प्रयोगशालामा गरिएको परीक्षणमा एक चिकित्सकसहित थप ४३ जनामा कोरोना संक्रमण पुष्टि भएको हो । संक्रमित हुनेमा नेपाली सेनाका ११ जना रहेका छन् ।
अस्पतालका मेडिकल सुपरिटेन्डेन्ट डा.मदनकुमार उपाध्यायका अनुसार ६ महिलासहित थप ४३ जनामा कोरोना संक्रमण पुष्टि भएको हो ।
४३ जना संक्रमितमध्ये ५ जनामा ज्वरो र खोकीको लक्षण देखिएको थियो भने ७ जनाले आफै पैसा तिरेर स्वाब परीक्षण गराएका हुन् । त्यस्तै नारायणी अस्पतालका स्वास्थ्यकर्मीमासमेत संक्रमण पुष्टि भएको छ ।
