विश्वमा एक करोड १३ लाख कोरोना संक्रमित मध्ये ६४ लाख ३३ हजार निको भई घर फिर्ता

विश्वभर ६४ लाख ३३ हजार भन्दाबढी कोरोना संक्रमित उपचारपछि निको भएर घर फर्किएका छन् । १ करोड १३ लाख ७८ हजार ९ सय ७९ जनामा कोरोनाको सङ्क्रमण पुष्टि भएकामा ६४ लाख ३३ हजार ९ सय ६३ जना उपचार पछि निको भएर घर फर्किएका हुन् ।

यस्तै संक्रमितमध्ये ५ लाख ३३ हजार ३ सय ८४ जनाको मृत्यु भईसकेको वल्डोमिटरमा उल्लेख छ । संक्रमितमध्ये ४४ लाख ११ हजार ६ सय ३२ जना विभिन्न अस्पतालमा उपचाररत छन् भने ५८ हजार ५ सय ३० जनाको अवस्था गम्भिर रहेको छ ।

यस्तै, सबैभन्दा बढी प्रभावित भएको अमेरिकामा २९ लाख ३५ हजार ७ सय ७० जनामा सङ्क्रमण देखिएको छ भने १ लाख ३२ हजार ३ सय १८ जनाको मृत्यु भएको छ । संक्रमितमध्ये १२ लाख ६० हजार ४ सयभन्दा बढी निको भएका छन् । यस्तै, ब्राजिलमा १५ लाख ७८ हजार बढी, रसियामा ६ लाख ७४ हजार, भारतमा ६ लाख ७३ हजार बढी संक्रमित भएका छन् ।