रू रू जलविद्युत परियोजनाको आइपिओ बाँडफाँट

काठमाडौं । रू रू जलविद्युत परियोजनाको आइपिओ बाँडफाँट गरिएको छ। गोलाप्रथाबाट ३७ हजार ९१६ जना आवेदकले १० कित्ताका दरले शेयर पाएका छन् ।

कम्पनीले गत चैत २० देखि प्रतिशेयर १०० अंकित मूल्यमा २० रुपैयाँ प्रिमियम थप गरी कुल १२० रुपैयाँमा ४ लाख ७ हजार ७०६ कित्ता शेयर बिक्रीमा ल्याएको थियो ।

कुल निष्काशनमध्ये २ प्रतिशत अर्थात् ८ हजार १५४ कित्ता शेयर कर्मचारीलाई र ५ प्रतिशत अर्थात् २० हजार ३८५ कित्ता शेयर सामूहिक लगानी कोषका लागि छुट्याइएको छ। सर्वसाधारण लगानीकर्ताहरुलाइ भने बाँकी ३ लाख ७९ हजार १६७ कित्ता शेयर मात्रै वितरण गरिएको हो । आइपिओको नतिजा बिक्री प्रबन्धक एनएमबी क्यापिटलको वेबसाइट र मेरो शेयरबाट हेर्न सकिने छ।