चार महिनापछि खुले होटल
काठमाडौं । कोरोना महामारी रोकथाम तथा नियन्त्रणका लागि सरकारले गरेको लकडाउनको चार महिनापछि होटल तथा रेस्टुराँ खुलेका छन् । सरकारले साउन ६ गतेदेखि लकडाउन हटाएपनि होटल खोल्न भने साउन १५ गतेदेखि दिने निर्णय गरेको थियो । त्यस्तै आजैदेखि होटल तथा रेस्टुराँ लगायत ट्रेकिङ, ट्राभल र पर्वतारोहणका कार्यालयहरु सञ्चालनमा आएका छन् ।
अन्तर्राष्ट्रिय र आन्तरिक उडान संचालन नहुँदा होटल खुले पनि व्यवसाय संचालनमा भने समस्या छ । किनकी होटलका ग्राहक पर्यटक भएकाले उडान संचालन नहुँदासम्म समस्या हुने व्यवसायीले बताएका छन् । सरकारले भदौ एक गतेदेखि सडान संचालनको अनुमति दिएको छ ।
