चर्चित गायक रामकृष्ण ढकालको प्रेम विवाह, सम्बन्ध विच्छेदमा परिणत
काठमाडौं । गायक रामकृष्ण ढकालको श्रीमती निलम शाहसँग सम्बन्धबिच्छेद भएको छ । चर्चित गायक रामकृष्ण र निलमले बुधबार जिल्ला अदालत काठमाडौंमा गएर सम्बन्ध विच्छेद गरेका हुन् ।
अदालतमा मंगलबार निलमले सम्बन्ध विच्छेद गरी पाऊँ भनी निवदेन दिएकी थिइन् । निलमले मंगलबार निवदेन दिएपछि बुधबार रामकृष्णले पनि आफू सम्बन्ध विच्छेद गर्न सहमत भएको अदालतलाई बताएका थिए ।
जिल्ला अदालतका न्यायाधीश विदुर कोइरालाको इजलासले उनीहरूबीच सम्बन्धबिच्छेद भएको निर्णय सुनाएको हो । निर्णय अनुसार निलमले रामकृष्णबाट कुनै सम्पत्ति लिने छैनन् भने छोरी रानी निलमसँगै रहनेछिन् । रामकृष्ण र निलमको १७ वर्षअघि प्रेम विवाह भएको थियो ।
