यस्तो छ शिक्षा मन्त्रालयले जारी गरेको विद्यालय संचालन सम्बन्धी कार्यढाँचा(पूर्णपाठसहित)
काठमाडौं । सरकारले कोरोना संक्रमणको जोखिम नभएका अथवा संक्रमण कम भएका स्थानीय तहमा विद्यालय संचालन गर्न पाउने गरी ‘विद्यालय संचालन सम्बन्धी कार्यढाँचा–२०७७’ जारी गरेको छ ।
शिक्षा, विज्ञान तथा प्रविधि मन्त्रालयले कार्यविधि तयार गरी विद्यालय संचालन गर्ने निर्णय सम्बन्धित स्थानीय तहलाई दिनेगरी कार्यढाँचा सार्वजनिक गरेको हो । मन्त्रालयका प्रवक्ता दीपक शर्माले स्थानीय तहले विद्यालयहरुलाई विभिन्न मोडालिटीमा संचालन गर्न सक्ने र जोखिम बढेमा त्यसको अवस्था हेरी विद्यालय बन्द गर्ने कुरालाई कार्यढाँचाले व्यवस्थित गरेको बताए ।
कार्यढाँचामा जोखिम नभएका स्थानहरुमा, जोखिम कम हुँदै गएका स्थानहरुमा स्थितिको समीक्षा गरेर स्थानीय तहले विद्यालयहरुलाई विभिन्न मोडालिटीमा संचालन गर्न सक्ने र जोखिम बढेमा त्यसको अवस्था हेरी विद्यालय बन्द गर्ने यी दुईवटै कुरालाई समेटिएको छ ।
कार्यढाँचामा विद्यालय संचालन सम्बन्धी कार्यढाँचाको अधिनमा रहेर निर्णय गर्ने अधिकार स्थानीय तहलाई दिइएको छ । सरकारले कोरोना कहरका कारण गत चैत ५ गतेदेखि देशभरका विद्यालय बन्द गरेको थियो । अनलाइनको माध्यमबाट अहिले पठनपाठन भइरहेपनि त्यो प्रभावकारी हुन सकेको छैन ।
