ठूला भ्रष्टाचार काण्डको छानविन र दण्डसजाय गर्न जनलोकपाल गठन गरौं: बाबुराम भट्टराई
काठमाडौं । पूर्वप्रधानमन्त्री डा. बाबुराम भट्टराईले ‘जस्केलाबाट छिर्नेहरूले सत्ताको तुजुक नदेखाउँ’ भनी नेकपा प्रवक्ता नारायणकाजी श्रेष्ठलाई जवाफ दिएका छन् । बूढीगण्डकी जलविद्युत आयोजनामा अर्बौ घुस आएको आरोपको खण्डन गरेका श्रेष्ठलाई जवाफ दिँदै भट्टराईले ‘जस्केलाबाट छिर्नेहरूले सत्ताको तुजुक नदेखाउन भनेका हुन् ।
भट्टराईले ट्वीटरमा लेखेका छन्, ‘बूढीगण्डकी, एनसेल,वाइडबडी,सुरक्षा प्रिन्टिंग,यति,ओम्नी लगायत सबै ठूला भ्रष्टाचार काण्डको छानविन र दण्डसजाय गर्न अधिकारसम्पन्न जनलोकपाल गठन गरौं । सबै उच्च पदासीनहरूको सम्पत्ति छानविन गरौं । म पूर्ण सहयोग गर्न र दोषी ठहरे दण्डित हुन तयार छु । जस्केलाबाट छिर्नेहरूले सत्ताको तुजुक नदेखाऊ !’
भट्टराईले हालै दिएको बुढीगण्डकी परियोजनामा अर्बौं रकम घुस लिएको भनी नेकपा अध्यक्षद्वय केपी ओली र प्रचण्ड तथा कांग्रेस सभापति शेरबहादुर देउवामाथि आरोप लगाएका थिए । त्यसको बुधबार नेकपाका प्रवक्ता श्रेष्ठले पुष्टि गर्न चुनौति दिएका थिए । त्यस्तै कांग्रेसले पनि केही दिनअघि भट्टराईलाई अभिव्यक्तिलाई पुष्टि गर्न चुनौति दिएको थियो ।
